ناوه‌ڕۆك
سەرەتا
لە وەرزی هاوین کەبەرەو گەرما دەڕۆین و کەسانێکی زۆر پرسیار دەکات کە چۆن نەیەڵین مۆبایلەکانمان زۆر گەرم بێت و لە دۆخی ئاسایی بیهێڵینەوە، چونکە گەرم بوونی مۆبایل کاریگەرییەکی زۆر زۆری هەیە لەسەر کەم بوونەوەی پاتری و شەحنی مۆبایلەکەت و زیانێکی زۆری پێدەگەیەنێت ئاگاداربن. مۆبایل لەو وەرزی گەرما و هاوین کەمێک هەر گەرم دەبێت، ئەگەر گەرمبوونێکی ئاسایی بێت جێگای نیگەرانی نییە و هەموو مۆبایلێک کەمێک هەر گەرم دەبێت.
چەند هەنگاوێک بۆ کەم کردنەوەی گەرمی مۆبایلەکانتان
یەکەم :- چۆنیەتی لەسەر شەحن دانانی مۆبایلەکەت
لە شوێنی فێنک و سارد لەسەر شەحنی دابنێ و کە لەسەر شەحنتان دانا کەڤەری مۆبایلەکانتان لێ بکەنەوە و بەبێ کەڤەر لەسەر شەحنی دابنێن بۆ ئەوەی مۆبایلەکەت زۆر گەرم نەکات، هەروەها بەهیچ جۆرێک لەسەر شەحن مۆبایل بەکارمەهێنن.
دووەم :-بەکارهێنانی شەحنی ئۆڕجیناڵ دوور کەوتنەوە لە شەحنی کۆپی
زۆر گرنگە ئەو شەحنەی بەکاریدەهێنین ئۆرجیناڵ بێت و کۆپی نەبێت، توانای واتەکەی گونجاوبێت لەگەڵ توانای ئەو واتەی مۆبایلەکەت وەری دەگرێت.
سێیەم:- دابەزاندی کوالێتی شاشەکەت بەتایبەت ئەوانەی مۆبایلەکەیان ئاست بەرزە ڕیزەلوشنی مۆبایلەکەت دابەزێنە ئەگەر +QHDـە بیکە بە +FHD ئەمەش وادەکات شاشەی مۆبایلەکەت کەمتر گەرم ببێت، هەوەها دۆخی ڕووناکی شاشەکەشت بکە ئۆتۆماتیکی کە خۆی ڕووناک و تاریک ببێت.
چوارەم:- بەکارهێنانی کوالێتی بەرزی کەڤەر و دوورکەوتنەوە لە کەڤەری ئاست نزم بەکارهێنانی ئەو کەڤەرانەی دیوی ناوەوەیان لایلۆنی کەمترە و ئۆڕجیناڵە وادەکات مۆبایلەکەت کەمتر گەرم ببێت، هەروەها دوور کەوتنەوە لەو کەڤەرانەی کە زۆر ئەستوورن و لەگەڵ وەرزی هاوین ناگونجێن.
پێنجەم:- خراپ بوونی پاتری
ئەگەر مۆبایلەکەت زۆر کۆن بووە و ئەزانی پاترییەکەی دابەزیوە، پاترییەکەت بگۆڕە چونکە ئەمە وادەکات مۆبایلەکەت گەرم بوونی زۆربێت.
شەشەم:- دەور کەوتنە لە وێنە و ڤیدیۆ تۆمارکردن لەبەرامبەر تیشکی خۆردا
بە تایبەت ڤیدیۆ تۆمارکردن لەبەر خۆردا مۆبایلەکەت زۆر گەرم دەکات و کاریگەرییەکی زۆر دەخاتە سەر گەرمی مۆبایلەکەت، هەوڵبدە لە شوێنی دوور لە تیشکی خۆر مۆبایل بەکاربهێنیت.
حەوتەم :- بەکارهێنانی زۆر
یاریکردنێکی زۆر و بەردەوام لەسەر یەک یاخود مۆنتاژ و ئیدیتێکی زۆر لەسەر یەک، وادەکات مۆبایلەکەت زۆر هیلاک بێت و زۆر گەرم ببێت، بۆیە بەردەوام لەسەریەک یاری و مۆنتاژ بە مۆبایلەکانتان مەکەن یاخود ئەگەر کارەکەت وایە یان زۆر حەزت بە یارییە دەتوانیت پانکەی ساردکەرەوە بکڕیت کە جۆری باش لە سەروو ٢٠ هەزارەوە دەست پێدەکات تاکو ٧٠ دۆلار.
هەشتەم :- دوورکەوتنە لە جێهێشتنی مۆبایل لە ناو ئۆتۆمبێل و بەرخۆر
ئەم هەنکاوە ئیەکێکە لە گەورەترین کاریگەرییەکانی و بەجێهێشتنی مۆبایل لەناو ئۆتۆمبێل یان لەبەر خۆر مۆبایلەکەت گەرم دەکات.
نۆیەم :- بەکارهێنانی چەندین ئەپ و یاری بەیەکەوە
دانەخستنەوەی ئەپ و بەرنامەکان کە پێویستە ماوە ماوە ئەپ و یاریەکان دابخەینەوە، پێویست ناکات چەندین ئەپ و یاری بەیەکەوە بەکاربێنین بێ ئەوەی دایانبخەینەوە.
دەیەم :- نوێنەکردنەوەی ئەپدەیتی مۆبایلەکەت
ئەپەکانی مۆبایلەکەت کە پێویستە ماوە ماوە ئەپدەیت بۆ مۆبایل و ئەپەکان هات نوێیان بکەیتەوە بۆ ئەوەی بە نوێترین و باشترین ئۆپتیمایزی کۆمپانیای پەرەپێدەر مۆبایل و ئەپەکانت بەکاربهێنیت.
لە کاتی گەرم بوونی مۆبایل چی بکەین؟
- هەموو ئەپەکانی مۆبایلەکەت دابخەرەوە
مۆبایلەکەت ڕیستارد بکە. - ئەگەر مۆبایلەکەت لەسەر شەحن بوو لە شەحن دەری بکە.
- کەڤەری مۆبایلەکەت لێبکەرەوە و بەرامبەر ساردکەرەوەیەک دایبنێ.
