ناوه‌ڕۆك
نرخەکە
ئەم مۆبایلە تەنیا بە ڕامی 12 و بیرگەی 512 لە بازاڕەکانی کوردستان و فرۆشگاکان بەردەستە بە نرخی 485 هەزار و بە بیرگەی 256 بەردەست نییە تاکو هەرزانتر بیکڕین. زۆربەشمان پێویستیمان بە بیرگەی 512 نییە و 256 بەسە، ئەو نرخەش 485 هەزار بۆ بیرگەی 512 زۆرە و بیرگەی 256 بەردەست نییە لە بازاڕەکان.
ئەتوانیت لە کۆمپانیای BCI کە بریکاری پۆکۆیە لە کوردستان دەتوانی داوای Poco x6 pro بکەیت بە ڕام 8 و بیرگەی 256 بە نرخی 418 هەزار، واتە 67 هەزار هەرزانتر و بە نرخێکی زۆر گونجاوتر دەتوانی بیکڕیت بەم شێوازە کە بە ئۆنلاین بۆت جیگیر دەکەن و بۆت ئەنێرن.
تایبەتمەندی شاشە
شاشەکەی لە جۆری AMOLED بە قەبارەی 6.67 ئینج و ڕوونی 2712×1220 پێکسڵ و ڕێژەی نوێبوونەوەی شاشەکەی 120 هێرتز وە شاشەکەی لە کۆتا ئاست دەگاتە 1800 نیتسە. هەروەها پشتگیری 68B ڕەنگ و +HDR10 و دۆڵبی ڤیژن دەکات، شاشەکەی ڕوپۆش کراوە بە Gorilla Glass 5 بۆ بەرگری لە شکان.
بەشی ناوەکی و چیپ و سۆفتوێری مۆبایلەکە
چیپەکەی لە جۆری Dimensity 8300 Ultraیە کە لەسەر 4nm بناغەکراوە. ڕاستەوخۆ کە لە پاکەت دەیشکێنی Android 14ـی لەسەر جێگیرکراوە لەسەر ڕووکاری HyperOS. بۆ یاری کردن و کاری قورس و مۆنتاژ و ئەو بابەتانەی مۆبایلەک ماندودەکات زۆر نایاب و بەهێزە و تەواو گونجاوە بۆ یاری قورس و کاری قورس و مۆنتاژ و ئەو بابەتانە.
ڕاستەوخۆش نوێترین ئەپدەیت و سیستمی لەسەرە، سێ ئەپدەیتی ئەندرۆید و چوار ساڵ ئەپدەیتی سکوێریتی بۆ دێت واتە ئەم مۆبایلە تەمەنێکی درێژی هەیە و زۆر درەنگ خاودەبێتەوە لەبەر ئەوەی چیپێکی بەهێزی لەسەرە و بۆ ماوەیەکی زۆریش ئەپدەیتی بۆ دێت.
کامێرا
سێ کامێرا لە پشتەوە لەخۆدەگرێت لەگەڵ کامێرای سێڵفی.
- کامێرای سەرەکی 64MP کە پشتگیری OIS دەکات بۆ کەم کردنەوەی لەرزینی دەستەکانت لە کاتی وێنە و ڤیدیۆ.
- کامێرای گۆشەفراوان 8MPـە.
- کامێرای ماکڕۆ بۆ شتی نزیک 2MP ـە.
- ڤیدیۆ لە کۆتا ئاست بە کامێرای پشتەوە بە 4K 30fps تۆماردەکات.
- کامێرای سێڵفی 16MPـە.
- ڤیدیۆ لە کۆتا ئاست بە 1080 تۆماردەکات.
ئەم مۆبایلە تەنیا لە ڕووی کامێراوە لە ئاست بەشەکانی تری نییە، واتە بەگشتی مۆبایلێکی زۆر باش و بەهێزە بەڵام بۆ کامێرا زۆر بەهێز نییە بەڵکو شتێکی ئاسایی و مامناوەندت پێدەدات لە ئاست نرخەکەی خۆی.
پاتری
خاوەنی پاترییەکی 5000mAh کە بەخێرایی 67W بارگاوی دەبێتەوە کە بەماوەی 45 خولەک لە %0 دەگاتە %100، لەرووی پاتری و بارگاویکەرەوە زۆر نایابە و تەواو شایەنی کڕینە.
زانیاری گشتی
- کێشی مۆبایلەکە ١٨٦ بۆ ١٩٠ گرامە.
- پشتی مۆبایلەکە بە دوو جۆر بەردەستە جۆرێکیان پلاسیتکە جۆرێکیان سلیکۆن پۆلیمەرە و ڕوپۆش کراوە بە Gorilla Glass 5 بۆ بەرگری لە شکان،
- کە کڕیتان جۆری سلیکۆن پۆلیمەر بکڕن و جوانتر و ئاست بەرزترە.
- خاوەن بڕوانامەی ip54 بۆ بەرگری لە پڕوشکە ئاو و تەپ و تۆز.
- دەنگی مۆبایلەکە ستێریۆیە واتە دەنگ لەسەرەوە و خوارەوە دێت و شوێنی هێتفۆنی نەماوە کە دەنگێکی زۆر باشی هەیە.
- پەنجەمۆری مۆبایلەکەش لەژێر شاشەشە لە جۆری ئۆپتیکاڵە و زۆر نایابە.
خاڵە بەهێزەکان
- شاشەیەکی زۆر جوان و ئاست بەرزی هەیە.
- چیپێکی زۆر بەهێز و نایاب بۆ یاری و کاری قورس هەیە.
- تەمەنی درێژە.
- پاتری و بارگاویکەرەوەییەکی زۆر باشن.
- بونی بەرگری iP 54.
- دەنگێکی زۆر باش و پەنجەمۆری ژێر ڕوونما.
خاڵە لاوازەکان
- تەنیا ئەگەر زۆر گرنگی بە کامێرا دەدەیت، مەیکڕە چونکە ئاستێکی زۆر بەرزت پێنادات بۆ کامێرا بەڵکو ئاستێکی مامناوەندت پێدەدات.
