ناوه‌ڕۆك
ناساندن
مۆبایلی Poco F6 Pro ئەم مۆبایلەش وەک مۆبایلی Poco f6 بۆ یاری و کاری قورس دروست کراوە نەک کامێرا. خاوەنی شاشەیەکە لە جۆری Amoled بە قەبارەی 6.67 ئینج و ڕوونی +QHD و ڕێژەی نوێبوونەوەی شاشەکەی 120 هێرتزە. هاوکات جۆری شاشەکەی پشتگیری 68B ڕەنگ و Dolby vision و +HDR10 دەکات و ڕووناکی شاشەکەی لە کۆتا ئاست دەگاتە 4000 نیت. لەڕووی شاشەوە یەکێک لە باشترین و جوانترین شاشەی بۆ دانراوە و شاشەیەکی زۆر ڕوناک و ئاست بەرز لەخۆی دەگرێت
بەشی ناوەکی و چیپ و سۆفتوێری مۆبایلەکە
بەشی چیپی ئەم مۆبایلە لە جۆری Snapdragon 8 Gen 2ـیە کە لەسەر 4nm بناغەکراوە. ڕاستەوخۆ لە پاکەت دەیشکێنی Android 14ـی لەسەر ڕووکاری HyperOS لەسەرە. لەڕووی چیپەوە بەراورد بە نرخەکەی باشترین و بەهێزترین چیپە کە لەسەر مۆبایلێک جێگیرکرابێت، بەهێزە بۆ یاری و کاری قورس و مۆنتاژ و هەر کارێکی قورس ئەتەوێت بەم چیپە ئەکرێ زۆر بەئاسانی.
لە پۆبجیش توانای 120fpsـی هەیە و زۆر زۆر بەهێزە ڕاستەوخۆ لە پاکەتیش دەیشکێنی Android 14ـی لەسەرە کە نوێترین سیستەم و ڤێرژنە و ٣ ساڵ ئەپدەیتی ئەندرۆید و 4 ساڵ ئەپدەیتی سکویریتیان بۆ دێت.
کامێرا
سێ کامێرا لە پشتەوە لەخۆدەگرێت لەگەڵ کامێرایەکی سێڵفی، گرنگترین تایبەتمەندی کامێراکانی:
- کامێرای سەرەکی 50MP و پشتگیری OIS دەکات بۆ کەمکردنەوەی لەرزینی دەستەکانت لەکاتی وێنە و ڤیدیۆ.
- کامێرای گۆشەفراوان 8MP.
- کامێرای ماکڕۆ 2MP.
- ڤیدیۆ بە کامێرای پشتەوە لە کۆتا ئاست بە 8K 24fps و 4K 60fps تۆماردەکات.
- کامێرای سێڵفی هەیە.
- ڤیدیۆ لە کۆتا ئاست بە 1080p 60fps تۆماردەکات.
لەڕووی کامێراوە ئەم مۆبایلە بۆ گەیمینگ و کاری قورس و مۆنتاژ و بابەتەکانی تر دروست کراوە نەک بۆ کامێرا، بۆ کامێرا مۆبایلی باشتر هەیە چونکە ئەم مۆبایلە بۆ کامێرا دروست نەکراوە و ئەگەر کامێرای زۆر باشیش نەبێت ناتوانین بڵێین خاڵی لاوازە.
پاتری
خاوەنی پاترییەکی 5000mAhـە و بەخێرایی 120W بارگاوی دەبێتەوە کە بە ماوەی ١٩ خولەک لە %0 دەگاتە %100 کە بۆ پاتری و بارگاویکەرەوە زۆر نایابە.
زانیاری گشتی
کێشی مۆبایلەکە ٢٠٩ گرامە، دەنگی مۆبایلەکە ستێریۆیە واتە دەنگ لە سەماعەی سەرەوە و خوارەوە دێت و شوێنی هێتفۆنی نەماوە کە دەنگێکی زۆر باشی هەیە. پەنجەمۆری مۆبایلەکەش لەژێر شاشەیە و زۆر باشە.
نرخ
لە ئێستادا نرخی بۆ ڕام ١٢ کە دەتوانیت بەرزی بکەیتەوە بۆ ڕام 20 و بیرگەی ٥١٢ بە ٦٩٩ هەزار دینارە. نرخی بۆ ڕام ١٦ کە دەتوانیت بەرزی بکەیتەوە بۆ ڕام ٢٤ نرخی ٧٩٩ هەزار دینارە.
