ناوه‌ڕۆك
کورتە زانیاری دەربارەی تەلەگرام
تیلیگرام، تەلیگرام، تلیگرام، بەرنامەی تەلیگرام، تێلیگرام یان تەلەگرام (بە ئینگلیزی: Telegram، بە عەرەبی: تلیجرام)، خزمەتگوزاری پەیامی دەستبەجێی (IM)ـیە. لە ١٤ـی ئابی ٢٠١٣ بۆ ئای ئۆ ئێس، پاشان بۆ ئەندرۆید لە تشرینی یەکەمی ٢٠١٣ بڵاوکرایەوە. ڕێگە بە بەکارهێنەران دەدات کە پەیام ئاڵوگۆڕ بکەن و میدیا و فایلەکان هاوبەش بکەن، هەروەها پەیوەندی دەنگی و ڤیدیۆیی تایبەت و گرووپیان هەبێت، بەردەستە بۆ ئەندرۆید، ئای ئۆ ئێس، ویندۆز، ماک ئۆ ئێس، لینۆکس و وێبەکان.
زانیاری گشتی لەسەر تەلەگرام
| گەشەپێدەر |
|
| پلاتفۆرم | ئەندرۆید، ئای ئۆ ئێس، ئایپاد، ویندۆز، ماک ئۆ ئێس، لینوکس، پلاتفۆرمی وێب |
| بارەگا |
|
| دامەزرێنەر |
|
| بەڕێوەبەری گشتی | پاڤێل دورۆڤ |
تیلیگرام تایبەتمەندی تۆڕی کۆمەڵایەتی هەیە، ڕێگە بە بەکارهێنەران دەدات ستۆری دابنێن، گرووپی گشتی گەورە دروست بکەن کە زیاتر لە ٢٠٠ هەزار ئەندامیان هەبێت، خزمەتگوزارییەکە APIـیەکی کراوە دابین دەکات بۆ دروستکردنی بووتە تایبەتەکان کە دەتوانن ئەرکی جۆراوجۆر ئەنجام بدەن و خزمەتگوزارییەکانی تر تێکەڵ بکەن لە چاتی تیلیگرام، یان وەک ئەپە بچووکەکان کار بکەن. تیلیگرام لە ساڵی ٢٠١٣ لەلایەن نیکۆلای و پاڤێل دورۆڤ دامەزراوە. سێرڤەرەکانی لە سەرتاسەری جیهاندا دابەش دەکرێن، لە کاتێکدا بارەگای سەرەکی لە دوبەی ئیماراتی عەرەبی یەکگرتووە. تەلەگرام بەناوبانگترین بەرنامەی نامەی دەستبەجێیە لە بەشەکانی ئەورووپا و ئاسیا و ئەفریقا.
بەکارهێنانی تەلەگرام
- لە تشرینی یەکەمی ٢٠١٣، تەلەگرام ڕایگەیاند کە ڕۆژانە ١٠٠.٠٠٠ بەکارهێنەری چالاکی هەیە.
- لە ٢٤ی ئازاری ٢٠١٤، تیلیگرام ڕایگەیاند کە گەیشتووەتە ٣٥ ملیۆن بەکارهێنەری مانگانە و ١٥ ملیۆن بەکارهێنەری چالاکی ڕۆژانەیە.
- لە تشرینی یەکەمی ٢٠١٤ پلانەکانی چاودێریکردنی حکوومەتی کۆریای باشوور بووە هۆی ئەوەی زۆرێک لە هاوڵاتیانی لە ئەپی KakaoTalkـی کۆریاوە بگۆڕن بۆ تیلیگرام.
- لە کانوونی یەکەمی ٢٠١٤ تیلیگرام ڕایگەیاند کە ٥۰ ملیۆن بەکارهێنەری چالاکی هەیە.
- لە ئەیلوولی ٢٠١٥، تیلگرام ڕایگەیاند کە ئەپەکە ٦٠ ملیۆن بەکارهێنەری چالاکی هەیە و ڕۆژانە ١٢ ملیار پەیامی گەیاندووە.
- لە مانگی ئازاری ٢٠٢٢، بەشی بەکارهێنانی تیلیگرام لە ڕووسیا بەرزبووەوە بۆ ٦٣٪ ئەمەش توانی بەسەر واتس ئەپ سەربکەوێت کە بە ڕێژەی ٣٢٪ بوو، بووە بەناوبانگترین ئەپی نامەگۆڕین لە وڵاتەکەدا.
- لە ١٩ی حوزەیرانی ٢٠٢٢، تیلگرام ڕایگەیاند کە گەیشتووەتە ٧٠٠ ملیۆن بەکارهێنەری چالاکی مانگانە.
- لە تەممووزی ٢٠٢٣، تیلیگرام زیاتر لە ٨٠٠ ملیۆن بەکارهێنەری چالاکی مانگانەی هەبوو. تا مانگی ئازاری ٢٠٢٣، تیلگرام زیاتر لە ٩٠٠ ملیۆن بەکارهێنەری چالاکی مانگانەی بەدەست هێناوە.
تایبەتمەندییەکانی پلاتفرۆمی تەلەگرام
- نامەناردن
- دروستکردن یان بەشداربوون لە گرووپ و کەناڵەکان
- پەیوەندی ڤیدیۆیی و نامەی دەنگی
- بەکارهێنان و دروستکردنی بووتەکان
- ناردنی ستیکەر و ئیمۆجی جووڵاو
- دانانی ستۆری
کەناڵەکان بەکارهێنراون لەلایەن کەسایەتییە بەناوبانگەکانی وەک ئارنۆڵد شوارزنێگەر سیاسەتمەداران
- سەرۆکی فەڕەنسا ئیمانوێل ماکرۆن
- سەرۆکی پێشووی بەڕازیل جایر بۆڵسۆنارۆ
- سەرۆکی تورکیا ڕەجەب تەیب ئەردۆغان
- سەرۆکی مۆڵدۆڤا مایا ساندو
- سەرۆکی ئۆکرانیا ڤۆلۆدیمیر زلێنسکی
- سەرۆکی مەکسیک
- سەرۆکی ئوزپاکستان شەڤکات میرزیۆیێڤ
- سەرۆکی تایوان تسای ئینگ وێن
- سەرۆک وەزیرانی ئیسیوپیا ئەبی ئەحمەد
- سەرۆک وەزیرانی ئیسرائیل بنیامین ناتانیاهو
